Узган ел Кан үзәгендә 59 литрдан артык донор каны әзерләнгән
26 февральдә ТР сәламәтлек саклау министры М.М. Миңнуллин катнашында Республика кан үзәгендә «2023 елда Татарстан Республикасы Кан хезмәте эшчәнлеге йомгаклары һәм 2024 елга бурычлар» йомгаклау киңәшмәсе узды.
Республика кан үзәге эшчәнлеге нәтиҗәләре белән баш табиб Р.Г. Тураев таныштырды.
Медицина бүгенге көндә нинди генә заманча булмасын, һәм анда нинди генә яңа буын инновацион технологияләр һәм препаратлар кулланылмасын, безнең сәламәтлек саклау торышы элеккечә үк аның медицина оешмаларында кирәкле кан запасы булу белән билгеләнәчәк, аны әлегә бернәрсә белән дә алмаштырып, тулыландырып булмаячак, донорлардан алудан башка.
Татарстан Республикасында донорлар саны 31 251 кеше тәшкил итә.
59 105,8 литр донор каны әзерләнгән, бу 2022 ел белән чагыштырганда 2,3% ка күбрәк. 2023 елда республиканың 1 кешесенә (мл да) кан әзерләү күрсәткече тотрыклы кала һәм 15,0 тәшкил итә. 2022 ел күрсәткече 15,0 (РФ - 10 - 15). Бу күрсәткеч турыдан-туры ТР халкының санына һәм әзерләнгән кан күләменә бәйле. Кан һәм аның компонентлары донацияләре саны 80 306 тәшкил итә. 2022 елда 1000 кешегә донация күрсәткече шулай ук 2022 ел белән чагыштырганда тотрыклы булып кала һәм 20 (2022 ел – 20,1) тәшкил итә, бу ТР Кан хезмәте тарафыннан кан һәм аның компонентларын әзерләүне оештыру буенча планлы эш турында сөйли.
Татарстан Республикасында югары технологияле медицина ярдәме үсеше, гематологик һәм онкологик авырулар санының артуы белән бәйле рәвештә кан хезмәте сәламәтлек саклау системасында иң әһәмиятле звенога әверелә. Елдан-ел трансфузия терапиясенә мохтаҗ пациентлар саны арта, шуңа күрә ихтыяҗ арта.
Хисап елына йомгак ясап, Рамил Габделхак улы Тураев 2023 елга ТР Кан хезмәте алдына куелган бурычларның тулы күләмдә үтәлүен билгеләп үтте.
Медицина советында шулай ук Мактау грамоталары, Рәхмәт хатлары һәм Федераль медицина-биология агентлыгы медальләре тапшырылды.