Татарстан Республикасы Сәламәтлек саклау Бердәм контакт-үзәге функционалын киңәйтү турында
1 марттан Татарстан Республикасында 2024 елда диспансерлаштырылырга тиешле гражданнарның өстенлекле категориясенә һәм диспансер исәбендә торучы затларга шалтырату өчен тавыш роботы эшли башлады.
Тавыш ярдәмчесе сәламәтлек торышын бәяләү, авыруларны иртә ачыклау, шулай ук авыруның барышын контрольдә тоту һәм катлауланулар үсешен кисәтү максатыннан шалтыратачак.
Башлангыч этапта робот классик сценарий буенча эшләячәк, пациент белән исәнләшеп, турыдан-туры кабул итүгә чакырылачак. Пациент ризалашса, ул автомат рәвештә колл-үзәк операторына юнәлтеләчәк, ул кирәкле мәгълүматны төгәлләгәч, пациентны кабул итүгә яздырачак.
Диспансеризация үткән гражданнар медицина оешмасының эшен бәяли һәм бу хакта тавыш ярдәмчесенә хәбәр итә алачак.
Роботның мөмкинлекләре киңәйтеләчәк. Киләчәктә тавыш ярдәмчесе шулай ук табибка кабул итү, вакцинация, табибны өйгә чакыру һ.б. керүче шалтыратуларны да эшкәртә алачак. Пациент ОМС полисы номерын, кирәкле хезмәтне, уңайлы вакытны һәм датаны сайлый, һәм ул робот тарафыннан табибка языла.