Перинаталь үзәге булган Әлмәт шәһәр балалар хастаханәсендә ана һәм бала тормышын саклап калды
Перинаталь үзәге булган Әлмәт шәһәр балалар хастаханәсенең гинекология бүлегендә сирәк очрый торган клиник очрак булды.
Табиблар хатынны авыр хәлдә коткарганнар. Ашыгыч медицина ярдәме бригадасы пациентны шок хәлендә, авырту синдромы белән, 6-7 атна йөклелек белән алып килде. Акушер-гинекологлар шунда ультратавыш тикшеренүе үткәргәннәр. УЗИ нәтиҗәләре буенча аналык куышлыгындагы йөклелек кенә түгел, ә шулай ук прогрессив торба йөклелеге дә визуальләштерелә, шуның аркасында торба ярыла һәм корсак эчендәге кан китә башлый.
Гинекология бүлеге докторы Светлана Ивановна Морозова шунда ук операция бүлмәсен ача һәм 20 минуттан соң кан китүне туктата. Кан югалту 2 литрдан артык тәшкил итә һәм, операцион бригаданың эше нәтиҗәсендә, пациентны коткарырга мөмкин була. Дәваланудан соң кызны прогрессив аналык йөклелеге белән чыгаралар.