Татарстан Республикасы нейрохирурглар ассоциациясе утырышы
Кичә Республика медицина китапханә-мәгълүмат үзәгендә «Татарстан Республикасы нейрохирурглар ассоциациясе» иҗтимагый оешмасының утырышы булды.
Утырышта катнашучылар Казанда нейрохирургиянең барлыкка килүенә һәм үсешенә багышланган китап-иллюстратив күргәзмә белән таныштылар.
Утырышны ТР нейрохирурглар ассоциациясе рәисе В.И. Данилов ачты.
Утырышта катнашучыларга сәламләү сүзе белән РМБИЦ директоры Т.Л. Куликовская мөрәҗәгать итте.
Аннары РМБИЦ хезмәткәрләре катнашында әзерләнгән Казанда нейрохирургиянең барлыкка килүе һәм үсеше, әлеге өлкәдә күренекле белгечләр турында «Казанда нейрохирургия: үткән һәм хәзерге» документаль фильмы күрсәтелде.
«Ишетү нервы невриномалары: проблеманың хәзерге хәле һәм Төбәкара клиник-диагностика үзәгенең нейрохирургия клиникасында дәвалау нәтиҗәләре» доклады белән табиб-нейрохирург, м.ф.к. А.А. Пичугин чыгыш ясады.
Утырыш ТР нейрохирурглар ассоциациясе идарәсе рәисен сайлау белән тәмамланды. Бертавыштан кабат медицина фәннәре докторы, профессор, РКДҮ нейрохирургия юнәлеше җитәкчесе В.И. Данилов сайлана.