Бүген Казанның Чабакса бистәсендә Михаил Мурашко катнашында педиатр кабинеты булган табиблык амбулаториясе ачылды
Бүген «Сәламәт җәмгыять» форумын уздыру кысаларында Россиянең берничә төбәгендә яңа медицина объектларын ачу тантанасы булды. Тантанада видео элемтә режимында Россия Федерациясе Хөкүмәте Рәисе урынбасары Татьяна Алексеевна Голикова һәм Россия Федерациясе Сәламәтлек саклау министры Михаил Альбертович Мурашко катнашты. Шулай ук Казан белән элемтәдә Мурманск, Смоленск һәм Ростов өлкәләре, Кырым Республикасы булды.
Татарстанда Беренчел звеноның яңа объектын ачуда Татарстан Республикасы Премьер-министры урынбасары Ләйлә Ринат кызы Фазлыева; Татарстан Республикасы Сәламәтлек саклау министры Марсель Мансур улы Миңнуллин; Сәламәтлек саклау өлкәсендә күзәтчелек буенча федераль хезмәтнең Татарстан Республикасы буенча территориаль органы җитәкчесе Владислав Валентинович Виниченко һәм башкалар катнашты.
Россия Федерациясе Сәламәтлек саклау министры Михаил Мурашко билгеләп үткәнчә, Россия Сәламәтлек саклау учреждениеләрендә үзебездә җитештерелгән җиһазлар ешрак кулланыла башлады. Шул исәптән Чабакса бистәсенең табиблык амбулаториясендә бу күзәтелә. Михаил Мурашко: "без Россия Сәламәтлек саклау системасының ихтыяҗларын үзебезнең ил җиһазлары белән максималь рәвештә каплауга омтылабыз. Күрәм, бүген бу барып чыга. Эшегездә уңышлар, рәхмәт!».
Татарстан Республикасы премьер-министры урынбасары Ләйлә Фазлыева: «Чабакса бистәсендә беренче тапкыр табиблык амбулаториясе ачыла, иң мөһиме – педиатрия участогы да бар. Гаилә елында моңа һичшиксез игътибар итәргә кирәк. Бистәдә яшәүчеләрнең барысы да адреслы һөнәри медицина ярдәме күрсәтү өчен барысы да булган табиблык амбулаториясе ачылуын түземсезлек белән көткәннәр».
ТР сәламәтлек саклау министры Марсель Миңнуллин: «Бүген күптән көтелгән объект ачыла, Чабакса бистәсендә яшәүчеләр беренчел медицина-санитария ярдәме, табибка кадәр ярдәм ала алачак. Сәламәтлегегезне тикшереп торуда катнашырга чакырам, диспансеризация узыгыз, монда бик яхшы коллектив хезмәт күрсәтә. Республикада гражданнарның сәламәтлеге иминлеге өчен "Сәламәтлек саклау" илкүләм проекты эшли. Республика җитәкчелеге Рөстәм Нургали улы Миңнехановка рәхмәт белдерәбез. Ел саен сәламәтлек саклауга, яңа биналар төзүгә, булган биналарны ремонтлау өчен бик күп инвестицияләр кертелә, ел саен бик күп техника һәм медицина җиһазлары сатып алына».
Чебакста педиатр табибы кабинеты булган табиблык амбулаториясе «Сәламәтлек саклау» милли проектының «Татарстан Республикасы халкына беренчел медицина-санитария ярдәмен камилләштерү чараларын гамәлгә ашыру» программасы кысаларында төзелгән.