Агымдагы санитар-эпидемиологик вәзгыять турында Казанда пресс-конференция

2024 елның 30 октябре, чәршәмбе

Татарстанда яшәүчеләр яңа коронавирус инфекциясе йоктыруын дәвам итә, авыру ешрак ОРВИ кебек уза, әмма авыруның авыр формалары да очрый. Бу хакта «Татар-информ» да узган пресс-конференциядә Татарстан сәламәтлек саклау министрлыгының Дәвалау һәм профилактика ярдәме идарәсе башлыгы Елена Демьянова сөйләде.

"Бүгенге көндә Татарстан буенча сигез вакытлыча йогышлы авырулар госпитале эшли. Җәелдерелгән койкалар – 108, шуларның 75,9% ында авырулар. Өч пациент авыр хәлдә, икесе – үпкәләрнең ясалма вентиляциясендә", - дип сөйләде Демьянова.

ТР Сәламәтлек саклау министрлыгының Дәвалау һәм профилактика ярдәме идарәсе башлыгы ассызыклаганча, медикларны яклау чараларына, медикаментларга, үпкәләрнең ясалма вентиляциясе аппаратларына кытлык юк.