Республика балалар клиник хастаханәсендә сирәк патологиясе булган яңа туган балага хирургик тыкшынуның "уникаль очрагы" уздырылды
Балалар клиник хастаханәсенең кече яшьтәге балалар хирургиясе бүлегендә бик сирәк һәм катлаулы патологияле яңа туган балага операция ясалды: сигезкүз-койрыкча сөяге өлкәсе тератомасы (эмбриональ-күзәнәк шеше) һәм умыртка мие бүсере (миеломенингоцеле).
Бала РКБ перинаталь үзәгенең яңа туган сабыйларын реанимациясеннән тумыштан килгән үсеш порогы – антенаталь рәвештә билгеләнгән (туган вакытына кадәр ачыкланган) тератома, шулай ук сулыш алу бозылулары һәм неврологик симптомнар белән тормышның беренче тәүлегендә җибәрелгән.
19 нчы көнендә, сабыйның хәле тотрыкланганнан соң, операция ясала. Хирурглар һәм нейрохирургларның уртак бригадасы: Республика балалар клиник хастаханәсенең кечкенә балалар өчен хирургия бүлеге мөдире Мария Зыкова һәм Республика балалар клиник хастаханәсе табиб-нейрохирургы Эдуард Бариев, умыртка баганасының сигезкүз бүлегенең миеломенингорадикулоцелен кисеп алып, күләмле ясалманы уңышлы бетерделәр һәм тире дефектларына пластика ясадылар.
Операциядән соңгы чор уңышлы үтте: баланың хәле тулысынча тотрыкланды, ярасы төзәлде, ә гидроцефалия (артык сыеклык туплану) үсеш билгеләре ачыкланмады. Аскы очлыкларда хәрәкәтләр һәм оча органнары функцияләре сакланган. Бала канәгатьләнерлек хәлдә өенә кайтарылган, һәм табибларның мультидисциплинар командасы күзәтүе астында булачак.