Биектау үзәк район хастаханәсе стационарына капиталь ремонт ясау төгәлләнә

2024 елның 31 октябре, пәнҗешәмбе

Хәзерге вакытта объектта эчке инженерлык челтәрләрен, электр энергиясен монтажлау тәмамланган, бинаның фасады ремонтланган. Бизәү эшләре төгәлләнә.

Ремонт барышында кабул итү бүлеге модернизацияләнде һәм вентиляция системасы тулысынча ремонтланды. Һәр палатада хәзер душ, телевизор һәм яңа функциональ караватлар бар.

Капиталь ремонт «Сәламәтлек саклау» милли проектының ТР халкына беренчел медицина-санитария ярдәмен камилләштерү чараларын гамәлгә ашыру кысаларында башкарылган.