«Сәламәтлек индустриясе. Казан» югары технологияле медицина техникасы һәм җайланмалар күргәзмәсе ачылды

2024 елның 13 ноябре, чәршәмбе

Бүген Казанда ипподром базасында югары технологияле медицина техникасы һәм җиһазлары, медицина билгеләнешендәге эшләнмәләр һәм чыгым материаллары, дару препаратларының 22 нче махсуслаштырылган күргәзмәсе «Сәламәтлек индустриясе. Казан» ачылды .

20 елдан артык күргәзмә эшлекле багланышларны җайга салу һәм үстерү, Татарстан базарына медицина һәм сәламәтлек саклау яңалыкларын кертү, төрле этиологиядәге авыруларны профилактикалау һәм иртә диагностикалау, сәламәт яшәү рәвешен популярлаштыру өчен нәтиҗәле мәйданчык булып тора.