Биектау үзәк хастаханәсе шәфкать туташлары йөрәк-үпкә реанимациясен күрсәтү принципларын үзләштерделәр

2024 елның 22 ноябре, җомга

«Йөрәк-үпкә реанимациясен күрсәтү принциплары, дефибриллятор куллану күрсәтмәләре һәм методикасы» темасына Биектау үзәк хастаханәсенең стационар һәм кабул итү бүлекчәләренең шәфкать туташлары хастаханәдә укыдылар.

Дәрес барышында манекеннарда практик күнекмәләр эшләп булды.

Укуларны Биектау үзәк район хастаханәсе хезмәткәрләре: реаниматолог Наил Мортазин, ординатор-реаниматолог Шамил Заһиров, ашыгыч медицина ярдәме фельдшеры Илдар Мостафин үткәрде.