Казанда стоматологиядә инновацион технологияләр турында фикер алыштылар

2024 елның 26 ноябре, сишәмбе

Казанда «Стоматологиядә инновацион технологияләр. Онкостоматология. Фән һәм практика» Республика фәнни-гамәли конференциясе узды.

Чара КДМА базасында узды, анда Татарстанның барлык районнарыннан белгечләр: табиб-стоматологлар, онкологлар, ординаторлар һәм профильле кафедралар аспирантлары җыелды.

Республика стоматология поликлиникасының баш табибы, Казанның Сәламәтлек саклау идарәсе  штаттан тыш баш белгеч-стоматологы Ләйсән Моратова онкоскрининг өлешендә «2023-2025 елларда Татарстан Республикасы халкы арасында стоматология авыруларын профилактикалау» ведомство программасын гамәлгә ашыру турында доклад белән чыгыш ясады.