Республика кан үзәге — «Донорның гаилә коды» Бөтенроссия акция-конкурсында җиңүче

2024 елның 2 декабре, дүшәмбе

28 ноябрьдә Мәскәүдә «Донорның гаилә коды» («Семейный код донора») Бөтенроссия акция-конкурсы призерларын һәм җиңүчеләрен бүләкләү тантанасы узды.

Әлеге масштаблы акция-конкурста Россиянең 69 төбәгеннән 400 меңнән артык кеше катнашты.

 «Татарстан Республикасы Сәламәтлек саклау министрлыгының Республика кан үзәге» ДАССУ «Донорның гаилә коды» Бөтенроссия акция-конкурсында актив катнашты.

Конкурс жюрилары проектларны югары бәяләделәр, аларның креативлыгын һәм ординар булмавын билгеләп үттеләр.

Конкурс нәтиҗәләре буенча үзәкне ике номинациядә билгеләделәр.

«Сыйфат билгесе. Донор гаиләләре өчен уңайлы шартлар» номинациясендә - җиңүчеләр булды.

«Донорлык — гаилә эше» номинациясендә призерлар булды.