Зәйдә хастаханәнең йогышлы авырулар бүлегенә капиталь ремонт ясалды

2024 елның 23 декабре, дүшәмбе

Зәй шәһәрендә 20 декабрьдә капиталь ремонттан соң йогышлы авырулар бүлеге ачылды. Чарада район башлыгы Рәзиф Кәримов, «Зәй үзәк район хастаханәсе» ДАССУ баш табибы Айдар Фатыйхов катнашты.

2 160 кв. метрдан артык мәйданлы өч катлы бинага капиталь ремонт 2024 елның маенда башланган.

Ремонт эшләре барышында биналарның эчке бизәлеше, җылыту системасы, инженерлык челтәрләре һәм канализация, сантехника алыштырылган. Электромонтаж эшләре башкарылган. Вентиляция системалары ремонтланган. Бинада тәрәзәләр, ишекләр, алыштырылган, түбә ремонтланган. Бинаның стеналары җылытылып керамогранит белән тышланган. 

Яңа медицина җиһазлары сатып алынган.