"Аппендиксны тап" операциясе

Түбән Кама район үзәк күп профильле хастаханә хирурглары өчен гадәти операция чын квестка әверелде. Аларга чын мәгънәсендә аппендиксны табарга туры килде. Ләкин бу әле барлык сюрпризлар да түгел, алына торган орган озынлыгы 20 сантиметр булып чыкты.

 

Кабул итү бүлегенә 36 яшьлек пациент китерелә. Хирурглар: Мортазали Мөслим улы Рамазанов һәм Аркадий Юрьевич Рябов пациентка аппендэктомия ясарга карар кыла.

 

"Без аппендиксны тиз генә таба алмадык, ул шактый сирәк ретроцекаль урнашкан, спираль кебек борылган сукыр эчәк артында иде. Әмма барыннан да бигрәк безне аппендиксның озынлыгы гаҗәпләндерде, ул 20 см чамасы иде. Бу гадәти булмаган урнашулы һәм гадәти булмаган анатомияле аппендицит өчен сирәк күренеш», - дип сөйли М.М.Рамазанов.

 

Операция бер сәгатьтән артык дәвам итте. Хирурглар әйтүенчә, органны техник яктан табу һәм чыгару гадәттәгегә караганда катлаулырак булган, әмма тулаем алганда барысы да штат режимында узган. Хәзер пациент стационардан чыгарга әзерләнә.