Татарстанда «Ак халатлы фәрештәләр» медицина фестивале узачак
1 февральдән 12 февральгә кадәр Татарстан Республикасында XIII «Ак халатлы фәрештәләр» фестивале узачак.
1 февральдә медицина турында хыялланучы укучылар өчен Татарстан Республикасының барлык үзәк район хастаханәләре, шулай ук Казанның әйдәп баручы дәвалау һәм профилактика учреждениеләре ишекләрен ачачак. Һәр факультет эш бирүчеләр белән берлектә тиешле практик базада үз белгечлекләрен тәкъдим итәчәк.
Мәктәп укучылары белән очрашулардан соң баш табиблар Казан дәүләт медицина университетының чыгарылыш курс студентларын эшкә урнашу вариантлары турында фикер алышу өчен көтәләр.
2 февральдә теләгән һәркем университет белән якыннан таныша алачак, аның җитәкчесе, профессор Алексей Созинов белән очрашуда катнашачак, ректорга иң кызыклы сорауга конкурска йомгак ясалачак.
Фестивальдә катнашучылар «Сәламәтлек кодын чишегез» медицина квесты һәм «Яңа офыклар ачабыз» мастер-класслары узачак.
3-12 февральдә көн саен 16.00 сәгатьтә Казан дәүләт медицина университетының иң яхшы укытучылары тарафыннан медицина һәм социаль тематикага популяр лекцияләр укылачак. Лекцияләр онлайн режимда университет сайтында https://kazangmu.ru һәм университетның социаль челтәрләрдәге рәсми битендә трансляцияләнәчәк.