Тукай үзәк район хастаханәсендә йомгаклау медицина советы
Тукай үзәк район хастаханәсендә учреждениенең 2024 елдагы эшчәнлегенә һәм 2025 елга бурычларына багышланган йомгаклау медицина советы узды.
Төп доклад белән Тукай үзәк район хастаханәсе баш табибы Мансур Потеев чыгыш ясады.
Мансур Алиевич үзәк район хастаханәсенең узган елгы эшчәнлегенең төп нәтиҗәләре, гамәлгә ашырылган проектлар, яңа ФАПлар ачылу, стационарда пульмонология бүлегендә эшләү һәм хастаханәнең матди-техник базасын ныгытуга юнәлдерелгән чаралар турында сөйләде.
Уртак доклад белән шулай ук поликлиника мөдире Зөлфия Дәүләтова һәм баш табибның клиник-эксперт эше буенча урынбасары Резеда Мөхәммәтшина чыгыш ясады.
Җавап сүзе белән Татарстан Республикасы сәламәтлек саклау министрының беренче урынбасары Альмир Абашев һәм Тукай районы Башкарма комитеты җитәкчесе Камил Нәҗмиев чыгыш ясады
Йомгаклау медицина советы үзәк район хастаханәсе хезмәткәрләренә район Башкарма комитетыннан һәм медицина оешмасыннан рәхмәт хатлары һәм мактау грамоталары тапшыру белән тәмамланды.