Лениногорск табиблары 94 яшьлек шәһәр кешесенә диспансеризация белән бардылар
Бүген табиб-терапевт Гөлүсә Ямаева һәм участок шәфкать туташы Ирина Жакова 94 яшьлек Николай Николаевич Степановка диспансеризация үткәрде.
📅 Николай Степанов 1930 елның 29 декабрендә туган. Аның балачагы авыр сугыш елларына туры килә.
💭 – Миңа сугыш башланганда ун яшь иде. Колхозда эшли башладым, тылда безнең сугышчыларга ярдәм иттек. Ул вакытта кемгә җиңел булган соң? Мин Питрәчтә яшәдем һәм укыдым. Сугыш беткәндә бишенче сыйныфта укый идем. Ул көнне, 9 майда, күрше хатын йөгереп керде дә: «Балалар, сугыш бетте!» – диде. Без башта аңлап җиткермәдек, аннары урамга йөгереп чыктык – бөтен кеше кочаклаша, елый, шатлана… – дип искә ала Николай Николаевич.
📚 Сугыштан соң Николай Николаевич мәктәпне тәмамлый, Казан педагогия институтына укырга керә. Дүртенче курста булачак тормыш иптәшен очрата. 💕
💭 – Кыю, акыллы кыз, мин шунда ук аңладым – минем язмышым бу! – дип сөйли Николай Николаевич.
🤗 Институтны тәмамлагач, ул төзелеп килгән Лениногорскига күченә. Шәһәр үсеп кенә килә, укытучылар җитми, эш – баштан ашкан. Бер елдан аның янына кәләше дә күченеп килә. Биредә алар гаилә коралар, озын гомерне янәшә үткәрәләр. Николай Николаевич 1-нче мәктәп-интернатта завуч булып эшли, соңрак директор, аннан соң мәгариф бүлегендә хезмәт итә.
💖 Тормыш иптәше күптән арабыздан китсә дә, Николай Николаевич аны һаман да җылы хисләр белән искә ала.
💭 – Без бит аның белән гомергә янәшә булдык – эштә дә, өйдә дә. Бик яхшы кеше иде, якты күңелле… – дип уйга кала ул.
👨👩👧👦 Бүген аның зур гаиләсе бар – улы, кызы, оныклары һәм биш правнугы.
💭 – Мин һәрвакыт балаларыма әйтәм – тик тормагыз, хәрәкәт итегез! Тормыш – ул хәрәкәт. Иртән зарядка ясадым, бакчага чыктым – көн уңышлы үтте! Әлбәттә, еллар үзенекен ала, тик рухым көр булганда, барысы да кулдан килә. Балаларыма, оныкларыма да әйтәм: «Түзем булыгыз, егетләр! Бу тормышта бар да җайлана, иң мөһиме – сәламәтлек һәм киләчәккә ышаныч булсын» – дип бүлешә Николай Николаевич.
🙏 Без ветераннарыбызның батырлыгына рәхмәтле һәм алар турында кайгыртуны дәвам итәчәкбез! ❤️