Яр Чаллының 7 нче шәһәр поликлиникасында медицина советы

2025 елның 19 феврале, чәршәмбе

19 февральдә Яр Чаллының 7 нче шәһәр поликлиникасының актлар залында медицина советы булып узды.

Медицина советы утырышында ТР Дәүләт Советы депутаты һәм Татарстан Республикасы Дәүләт Советының Социаль сәясәт комитеты рәисе Светлана Захарова, ТР сәламәтлек саклау министрының беренче урынбасары Альмир Абашев, ТР ССМ Чаллы шәһәре буенча Сәламәтлек саклау идарәсе җитәкчесе Рөстәм Ногманов, ТР ашыгыч медицина ярдәме хастаханәсе баш табибы Марат Мөхәммәдиев катнашты.

Кунаклар һәм хезмәткәрләр алдында төп доклад белән поликлиниканың баш табибы чыгыш ясады. Рөстәм Флюрович Ханов оешманың узган елгы эшчәнлеге нәтиҗәләре һәм 2025 елга бурычлары турында сөйләде.