Үлүчеләр санын киметү, туучылар санын арттыру: ел йомгаклары һәм Тәтеш район үзәк хастаханәсенең яңа бурычлары

2025 елның 21 феврале, җомга

Тәтеш районы хакимиятенең актлар залында медицина советының йомгаклау утырышы узды, анда Тәтеш муниципаль районы башлыгы Рәмис Сафиуллов, ТР сәламәтлек саклау министры урынбасары Владимир Филатов, Казан шәһәренең җиденче хастаханәсе баш табибы Артур Делян, Тәтеш район үзәк хастаханәсенең баш табибы Булат Кашапов, хастаханәнең хезмәт коллективы катнашты.

2024 елга эш нәтиҗәләре һәм 2025 елга бурычлар турында Тәтеш район үзәк хастаханәсенең баш табибы Булат Кашапов сөйләде.

Районда «Сәламәтлек саклау» милли проектының беренчел сәламәтлек саклау звеносын модернизацияләү программасы актив гамәлгә ашырылды, ул 2025 елдан «Дәвамлы һәм актив тормыш» милли проекты.