Тукай район үзәк хастаханәсе фельдшеры балаларны яраларын эшкәртергә өйрәтте

2025 елның 24 феврале, дүшәмбе

Тукай районының Куады авылында Ватанны саклаучылар көне уңаеннан «Зарница» («Аҗаган») уены үткәрелде.

Тукай  район үзәк хастаханәсенең Куады ФАПы фельдшеры Миләүшә Фәрдиева һәм фельдшер ярдәмчесе бу чарада актив катнаштылар.

Авыл җирлеге балалары өчен беренче медицина ярдәме күрсәтү буенча мастер-класслар оештырылды.

Миләүшә Хәйдәровна җәрәхәтләрне, яраларны ничек дөрес эшкәртергә, бармакны, кулны ничек бәйләргә икәнен күрсәтте.