Республика стоматология поликлиникасы 2024 елга эшчәнлек йомгаклары турында сөйләде

2025 елның 7 марты, җомга

Республика стоматология поликлиникасында 2024 елгы эшчәнлеккә һәм 2025 елга бурычларга багышланган йомгаклау медицина советы узды. Анда ТР сәламәтлек саклау министрының беренче урынбасары Альмир Абашев, ТР Медицина хезмәткәрләре ассоциациясе идарәсе рәисе Любовь Шәйхетдинова, РФ Сәламәтлек саклау хезмәткәрләре профсоюзының Вахитов районы оешмасы рәисе Ләйсән Шәмгунова, шулай ук поликлиника хезмәткәрләре катнашты. Төп доклад белән РСП баш табибы Ләйсән Моратова чыгыш ясады.

2024 елда 105 599 килү очрагы теркәлгән, шул исәптән 32 меңе – балалар бүлегендә һәм 27 меңе - дәвалау-хирургия бүлегендә.