Республика балалар клиник хастаханәсендә яз җитү уңаеннан мастер-класслар узды
8 Март көне һәм яз җитү алдыннан Республика балалар клиник хастаханәсенең барлык бүлекләрендә дә бәйрәм рухы хөкем сөрде.
Балалар күңелле конкурсларда катнаштылар, шигырьләр сөйләделәр, открыткалар ясадылар, җырлар җырладылар һәм рәсемнәр ясадылар.
Неврология һәм офтальмология бүлекләрендә балалар клиник хастаханәсе педагоглары нәни пациентлар өчен 8 Март Халыкара хатын-кызлар көненә багышланган котлау открыткалары һәм рәсемнәр ясау буенча мавыктыргыч мастер-класслар үткәрделәр.
Ә эндокринология һәм 2нче хирургия бүлекләрендә балалар өчен «Яз билгеләре» һәм «8 Март Халыкара хатын-кызлар көнен бәйрәм итү тарихы» темаларына әңгәмәләр үткәрделәр.
Кечкенә пациентлар шулай ук шигырьләр өйрәнгәннәр, чәчәкләр - язның һәм 8 Мартның төп символларын ясаганнар.
Мастер-класслардан соң бүлекләрдә балаларның искиткеч рәсемнәре төшерелгән стендлар оештырылды, ә балалар үз куллары белән ясаган открыткаларны әниләренә, әбиләренә һәм хастаханә хезмәткәрләренә тапшырдылар.