Әлмәт районара күппрофильле хастаханәсендә юл-транспорт һәлакәтендә зыян күрүчеләргә ярдәм күрсәтү буенча фельдшерлар өчен мастер-класс узды
Әлмәт районара күппрофильле хастаханә базасында юл-транспорт һәлакәтендә зыян күрүчеләргә ашыгыч медицина ярдәме күрсәтүне камилләштерү буенча ашыгыч медицина ярдәме фельдшерлары өчен мастер-класс узды.
Әлмәт, Урыссу, Мөслим, Баулы, Сарман, Азнакай һәм Бөгелмә районнары фельдшеры юл-транспорт һәлакәте урынында заманча симуляцион җиһазлар кулланып, беренчел дәвалау чараларының гамәли күнекмәләрен эшләде.
Хезмәттәшләрен укытуны Казан шәһ. АМЯС оператив эш буенча баш табиб урынбасары - Кузнецов Максим Владимирович һәм 7нче номерлы ШКХ анестезиология һәм реанимация буенча баш табиб урынбасары, ТР ССМ анестезиология-реаниматология буенча баш штаттан тыш белгече Ванюшин Александр Анатольевич үткәрделәр.
Юл-транспорт һәлакәте урынында фельдшер очраша торган актуаль аспектларга һәм проблемаларга аерым игътибар бирелде.