Бүген Бөтендөнья эндометриоз турында хәбәрдарлык көне билгеләп үтелә
Түбән Кама үзәк район күппрофильле хастаханәсенең 2 нче гинекология бүлеге акушер-гинекологы Ума Магомедова ни өчен хатын-кызларга бу мәкерле авыру турында белү мөһим икәнен сөйләде.
"Эндометриоз - эндометрий (аналыкның эчке катлавы) күзәнәкләренең патологик рәвештә үсүе, башка катламнарга һәм якын органнарга: күкәйлекләргә, аналык көпшәләренә, эчәклекнең аскы өлешенә, сидек куыгына эләгүе ул. Авыру бала тапмауга һәм хатын - кызлар сәламәтлегенең авыр патологияләренә китерергә мөмкин булуы белән куркыныч», - дип сөйләде У. Магомедова.
Эндометриоз турында фактлар:
Эндометриоз репродуктив яшьтәге һәр унынчы хатын-кызда очрый, ә бу бөтен дөньяда 190 миллионга якын хатын-кыз.
• Авыру озак вакыт симптомсыз үтәргә мөмкин, ә беренче билгеләрне еш кына күрем вакытында «гадәти» авыртуларга сылтыйлар. Симптомнар барлыкка килүдән алып диагноз куюга кадәр уртача вакыт 7-10 ел тәшкил итәргә мөмкин.
• Вакытында дәваланмыйча эндометриоз бала тапмауга, хроник авыртуларга, эчәклек һәм сидек куыгының эшчәнлеге бозылуга, шулай ук даими дискомфорт аркасында эмоциональ януга китерергә мөмкин.
Эндометриоз симптомнары:
• Эндометриозның иң еш очрый торган симптомы - авырту, өстәвенә 70% очракта ул күрем белән бәйле. Шул ук вакытта күрем циклы бозылмый.
• 6 ай һәм аннан да артыграк дәвам итә торган хроник оча авыртуы;
• дисменорея (күрем вакытында көчле авыртучанлык), тормыш сыйфатына һәм көндәлек активлыкка тискәре йогынты ясый, шул ук вакытта авырту контрацептивлар яки авыртуны баса торган дарулар кабул итү белән туктатылмый диярлек.;
• диспареуния - җенси мөнәсәбәтләр вакытында һәм/яки аннан соң барлыкка килә торган авырту;
• күрем белән бәйле гастроинтестиналь симптомнар: эчәк авыртуы, эч кату яки эч китү;
• сидек системасы ягыннан күрем белән бәйле симптомнар: сидек чыгарганда авырту, сидектә кан барлыкка килү;
• санап үтелгән бер яки берничә симптом белән бергә бала тапмау.
Кайда диспансеризация узарга мөмкин, шул исәптән репродуктив сәламәтлекне бәяләү өчен диспансеризация:
Поликлиника № 1 (Менделеев ур., 46) - каб.107в. Эш вакыты 07.00 дән 18.30 га кадәр.
Поликлиника № 2 (Төзүчеләр пр., 10Д) - каб. 114. Эш вакыты 7.00 дән 15.00 гә кадәр.
Консультатив-диагностика поликлиникасы (Ахтуба ур., 11) - холл. Эш вакыты 07.00 дән 15.00 гә кадәр.
Үзең белән полис, паспорт, СНИЛС булырга тиеш.