Лениногорск район үзәк хастаханәсе эшкә йомгак ясады һәм перспективаларны билгеләде
Лениногорск район үзәк хастаханәсендә 2024 елдагы эш нәтиҗәләренә һәм 2025 елга төп юнәлешләргә багышланган йомгаклау медицина советы узды.
Утырышта Татарстан Республикасы Сәламәтлек саклау министры урынбасары Фатихов Илдар Разин улы катнашты.
Фикер алышуның төп темасы демографик күрсәткечләр һәм медицина хезмәте күрсәтүнең сыйфатын яхшырту буенча чаралар булды.
Медицина советында быелгы эшнең өстенлекле юнәлешләре билгеләнде. Алар арасында:
• медицина инфраструктурасын үстерү;
• профилактика программаларын камилләштерү;
• яңа белгечләр җәлеп итү;
• халык өчен медицина хезмәтләреннән файдалану мөмкинлеген арттыру.
Моннан тыш, планнарда – сәламәт яшәү рәвешен ныгытуга ярдәм итә торган чаралар оештыру.
2025 елда «Дәвамлы һәм актив тормыш» илкүләм проектының сәламәтлек саклауның беренчел буынын модернизацияләү программасы буенча Сарабиккол һәм Мөэмин Каратай авылларында ике фельдшер-акушерлык пункты төзеләчәк.
Лениногорск район үзәк хастаханәсе төбәкнең сәламәтлек саклау системасының ышанычлы терәге булып кала, шәһәр һәм район халкы турында кайгырту өчен мөмкин булганның барысын да эшли.