Түбән Кама районы фельдшерлары җиһазлар белән эшләргә өйрәтәләр
Түбән Кама медицина көллиятендә авыл халкына медицина ярдәме күрсәтү мөмкинлеген арттыру максатыннан «Холтер тәүлеклек мониторингы» квалификация күтәрү программасы буенча Кама Аланы участок хастаханәсе һәм Түбән Кама район үзәк күппрофильле хастаханәсе ФАП һәм амбулаторияләре фельдшерларын укыту башланды.
Бу республиканың кече авыл торак пунктларында яшәүчеләргә беренчел медицина-санитария ярдәме күрсәтүне оештыруның яңа технологиясе. Әлеге программаның инициаторы - Татарстан Республикасы сәламәтлек саклау министры М.М. Миңнуллин.
Дәресләрне «Түбән Кама РҮХ» ДАССУның югары квалификацияле категорияле табиб-кардиологы З.А. Бигашева үткәрә. Холтер мониторингы - тикшеренү ысулы ул, ул йөрәк динамикасын портатив җайланма (Холтер) ярдәмендә ЭКГда өзлексез теркәүне башкарырга, йөрәк эшендәге үзгәрешләрне күзәтергә һәм пациентның гадәти активлыгы шартларында һәм йокы вакытында пациентның кан басымын контрольдә тотарга мөмкинлек бирә.
Йөрәкне тәүлеклек мониторинглау нәтиҗәсендә йөрәк-кан тамырлары системасындагы кайбер авыруларның үсешен ачыкларга яки кисәтергә мөмкин.
Авыл халкына медицина ярдәме күрсәтүнең һәркем файдалана алырлык булуы мәсьәләләрен хәл итү сәламәтлек саклау өлкәсендә өстенлекле бурычларның берсе булып кала. Әлеге проектны гамәлгә ашыру медицина ярдәменнән файдалану мөмкинлеген, мобильлекне һәм автономлыкны арттырырга мөмкинлек бирәчәк.