Иртәгә Казанда күчмә флюорографлар эшләячәк

2025 елның 24 марты, дүшәмбе

24 мартта билгеләп үтелә торган Бөтендөнья туберкулезга каршы көрәш көне кысаларында Казанда һәм Чаллыда күчмә флюорография аппаратлары эшли башлаячак.

Бу хакта бүген «Татар-информ»да узган матбугат конференциясендә сөйләделәр.

Барлык теләүчеләр күчмә рентген аппаратларында бушлай флюорография тикшерүе уза алачак.

Казан: 25 март, 09.00 дән 14.00 гә кадәр - «Тандем» сәүдә үзәге (Ибраһимов ур., 56); 26 март, 10.00 дән 15.00 гә кадәр - «Мега Казан» сәүдә үзәге (Җиңү Проспекты, 141).

Яр Чаллы: 31 март, 10.00 дән 14.00 гә кадәр, «Омега» сәүдә үзәге (Сөембикә проспекты, 2/19 с).

Тикшерү бушлай үткәрелә, үзегез белән паспорт һәм СНИЛС алыгыз.