Мамадыш шәһәренең хатын-кызлар консультациясендә туберкулезны профилактикалау турында лекция үткәрделәр
«Мамадыш район үзәк хастаханәсе» ДАССУның табиб-фтизиатры Гөлшат Левина булачак әниләр өчен «Туберкулезны профилактикалау. Балаларда һәм өлкәннәрдә тубдиагностика үзенчәлекләре» темасына лекция үткәрде. Лекция хастаханәнең хатын-кызлар консультациясе карамагындагы йөкле хатыннар мәктәбендә дәресләр кысаларында оештырылган.
Гөлшат Фаваритовна үзенең чыгышын туберкулез тарихы турында сөйләүдән башлады, ни өчен бу йогышлы авыруны социаль авыру дип атауларын аңлатты.
Аннары табиб-фтизиатр туберкулезның төп симптомнарын, йоктыру юлларын тасвирлады, авыруны профилактикалау турында сөйләде.
Организмда туберкулез үсешенә алкоголь, наркотик матдәләр куллану, тәмәке тарту, стресслар, еш ОРВИ, баланссыз туклану, хроник йогышлы булмаган авырулар, шикәр диабеты, гормональ терапия ярдәм итә.
Туберкулезны профилактикалау – физик активлыкны, рациональ туклануны, шәхси гигиена кагыйдәләрен үтәүне һәм тәмәке тартуны һәм башка зарарлы гадәтләрне булдырмауны үз эченә алган сәламәт яшәү рәвеше алып бару. Шунысын да онытмаска кирәк, флюорографик тикшерүне вакытында узу һәм вакцинация туберкулез таралуны профилактикалау булып тора.
Гөлшат Фаваритовна бала тапканнан соң яшь әниләр һәм аларның даирәсе өчен флюорография үтүнең мөһимлеген билгеләп үтте. Шулай ук йөклелекне планлаштыручы парларга тикшерү узу мөһим.
Лекция азагында табиб булачак әниләрнең сорауларына: кем еш кына куркыныч төркеменә эләгүе, ничек еш кына флюорография тикшерүләрен узу, балаларны тикшерү методлары һәм туберкулезга каршы вакцинация турында җавап бирде.