Түбән Кама перинаталь үзәкле район балалар хастаханәсенең йогышлы авырулар бүлегендә, аеруча куркыныч йогышлы авыруы булган шартлы авыруны кертеп, күнегүләр үткәрелде
Чараның максаты - медицина персоналының аеруча куркыныч йогышлы авыруга шикләнелгән авыруларны кабул итүгә һәм аларга ярдәм күрсәтүгә әзерлеген билгеләү.
Риваять буенча, йогышлы авырулар хастаханәсенә хәлсезлек, күңел болгану, аппетитның начарлануы, сусау, авыз корылыгы, косу шикаятьләре белән пациент килгән. Пациентның әти-әнисе чит илгә, Һиндстанга сәфәрләре турында сөйләделәр.
Укыту-күнекмә дәресләре барышында холера шикле авырулар өчен госпиталь һәм провизор госпитале җәелдерелде. Госпитальләр җитәкчеләре, табиб-инфекционистлар Ризидә Садыйкова, Рузия Ибраһимова, бүлекчәнең өлкән шәфкать туташы Әлфия Хөсәенова һәм бүлекчәнең эшкә җәлеп ителгән персоналы аеруча куркыныч инфекциягә шикләнелгән авыруны ачыклаганда эш итү тәртибен , аеруча куркыныч инфекциягә шикләнелгән авыруны балалар йогышлы авырулар бүлегенә керткәндә эпидемиягә каршы беренчел чаралар оештыруны, пациентның биоматериалын төрү, лабораториягә тикшеренүләргә китерү, шулай ук расланган хәбәр итү схемасы буенча җитәкчеләргә һәм консультантларга хәбәр итү, пациентка ашыгыч ярдәм күрсәтү буенча эшне башкардылар.
Баш табибның эпидсораулар буенча урынбасары Роза Шәмсетдинова, медицина бүлеге буенча урынбасары Наил Фәйзрахманов һәм баш шәфкать туташы Илсөяр Мотыйгуллина хезмәткәрләрнең шәхси саклану чараларын куллану һәм шәхси профилактика чараларын үтәү буенча күнекмәләрен тикшерделәр.
Үткәрелгән өйрәнүләр йомгаклары буенча йогышлы авырулар бүлеге белгечләренең әзерлеге канәгатьләнерлек дип табылды. Белгечләр билгеләп үткәнчә, медицина хезмәткәрләре аеруча куркыныч йогышлы авыруны ачыклаганда эпидемиягә каршы беренчел чаралар комплексын үткәрергә тулысынча әзер.
Өйрәнүләрдә перинаталь үзәкнең, балалар стационарының, поликлиникаларның медицина хезмәткәрләре, госпиталь хезмәте, сыйфат бүлеге мөдире катнашты.