Казанда профессор М.З. Сигалның 105 еллыгына багышланган «Сигал укулары» I Халыкара конференциясе узачак
2025 елның 3-4 апрелендә Казанда Казан онкология хирурглары мәктәбенә нигез салучы профессор Мойше Зельманович Сигалның 105 еллыгына багышланган «Сигал укулары» I Халыкара фәнни-гамәли конференциясе узачак.
Бу вакыйга Россия һәм чит ил экспертларын берләштерәчәк, алар ашказаны-эчәк трактының югары бүлекләрендә яман шешне диагностикалау һәм дәвалауның замана методикаларын, шул исәптән робот ярдәмендәге технологияләрне тәкъдим итәчәк.
«Сигал укулары» - лекция һәм докладлар гына түгел, ә практик тәҗрибә алу һәм клиник очракларны ачыклау мөмкинлеге.
Конференция онкология һәм катнаш дисциплиналар өлкәсендә эшләүче табиблар өчен оештырылган. Аның төп максаты - клиник практикада үзләренең нәтиҗәлелеген исбатлаган алдынгы белем һәм практик методикалар белән уртаклашу.