Югары Ослан районында коррупциягә каршы көрәш турында

2нче апрель көнне Югары Ослан район үзәк хастаханәсе баш табибы Мишакин Сергей Юрьевич Югары Ослан муниципаль районында коррупциягә каршы көрәш эшен координацияләү комиссиясе утырышында чыгыш ясады.

Докладның темасы: "Югары Ослан район үзәк хастаханәсендә коррупция күренешләрен кисәтүгә юнәлдерелгән чаралар".

Сергей Юрьевич хастаханәдә коррупция күренешләре турында халык төрле ысуллар белән хәбәр итә алуын әйтте: баш табиб кабул иткәндә шәхсән, гражданнарның язма мөрәҗәгатьләре өчен махсус ящикны кулланып.

Моннан тыш, хастаханәнең кадрлар бүлеге җитәкчесе хезмәткәрләр арасында даими рәвештә коррупция күренешләре темасына лекцияләр үткәрә.

Шулай ук район үзәк хастаханәсенә килүчеләр һәм пациентлар арасында кварталга 1 тапкыр социологик сораштырулар үткәрелә, район үзәк хастаханәсенең гомуми төркемнәрендә вакыт-вакыт коррупцияне кисәтү турында мәгълүмат урнаштырыла.