"Сак булыгыз, талпаннар һөҗүм итә!": ничек сакланырга һәм талпан тешләгәндә нәрсә эшләргә
Түбән Камада талпан сезоны ачылган – инде 4 кеше талпан тешләгәннән соң ярдәм сорап мөрәҗәгать иткән. Бу пациентларның барысы да табигатькә йөргән яки бакчада эшләгән.
Зыян күрүчеләр арасында – 73 яшьлек хатын-кыз, аңа Дмитриевкада бакчасында эшләгәндә үрмәкүчсыман «һөҗүм иткән». Табиблар кан эчүче бөҗәкне алганнан соң, пациентка талпан энцефалитын профилактикалау өчен иммуноглобулин кертелә.
Талпан тешләүдән коткара торган кагыйдәләр:
1. Кием-броня: ачык төстә, тыгыз манжетлы, чалбар оекбашка тыгылган.
2. Репеллентлар: тирегә генә түгел, киемгә дә сибегез.
3. Һәр 60 минут саен карап тору – талпан тешләгән урынга кадәр 1-2 сәгать шуыша.
4. Хайваннар күз алдында: йөреп кергәннән соң колакларын, муенын, корсагын тикшерегез.
5. Геройлык күрсәтмәгез! Әгәр талпан тешләгән икән - ашыгыч рәвештә травмпунктка барыгыз.
18 яшьтән башлап пациентларны Түбән Кама район үзәк күппрофильле хастаханәсенең кичектергесез травматология һәм ортопедия бүлегендә тәүлек буе кабул итәләр (Актүбә урамы, 11 адресы).