7 апрельдә Бөтендөнья сәламәтлек көне билгеләп үтелә
7 апрельдә Бөтендөнья сәламәтлек көне билгеләп үтелә. Бу үзеңә, туганнарыңа һәм якыннарыңа игътибар итәргә, сәламәтлек турында кайгыртуның мөһимлеге турында уйланырга, зарарлы гадәтләрдән һәм бәйлелекләрдән баш тартырга, профилактик медицина тикшерүе яки диспансеризация узарга сәбәп. «Дәвамлы һәм актив тормыш» илкүләм проекты профилактик чараларны җиңел һәм гади үтү өчен барлык кирәкле шартларны тудыра.
«"Дәвамлы һәм актив тормыш" яңа илкүләм проекты кысаларында "Һәркем өчен сәламәтлек" федераль проекты гамәлгә ашырыла, ул халыкның сәламәтлеген ныгыту чаралары системасын, аерым алганда, медицина профилактикасын модернизацияләүне һәм аны эш урынында күрсәтүне үз эченә ала. Предприятиеләрдә күчмә медицина тикшерүен киң җәелдерү, аннары ачыкланган куркыныч факторлары булган хезмәткәрләрне диспансер күзәтүе планлаштырыла. Әлеге бурычны исәпкә алып, челтәрне киңәйтү һәм сәламәтлек үзәкләрен яңадан җиһазлау планлаштырылган, » - дип билгеләде Россия Сәламәтлек саклау министрлыгының терапия һәм гомуми табиб практикасы буенча штаттан тыш баш белгече, Россия Сәламәтлек саклау министрлыгының «Терапия һәм профилактик медицина Милли медицина тикшеренү үзәге» Федераль дәүләт бюджет учреждениесе директоры, Россия фәннәр академиясе академигы Оксана Драпкина.