Яр Чаллы шәһәренең Сугыш ветераннары госпиталендә иң җаваплы пациентларны бүләкләделәр
Яр Чаллы шәһәренең Сугыш ветераннары госпитале поликлиникасында 2025 елның беренче кварталында диспансеризация һәм профилактик тикшерү узган пациентларга бүләкләр тапшырдылар.
Исегезгә төшерәбез, ел башында госпиталь поликлиникасында пациентларның үз сәламәтлекләре турында кайгыртуга игътибарны арттыруга юнәлдерелгән акция башланды. Акция шартлары нигезендә, гыйнвардан мартка кадәрге чорда диспансеризация яки профилактик карау үткәннәр арасында очраклы рәвештә өч җиңүче билгеләнде, алар кыйммәтле бүләкләр: акыллы сәгать, акыллы колонка һәм блендер алдылар.
31 март көнне очраклы саннар генераторы бәхетле бүләк ияләрен билгеләде. Җомга көнне, 5 апрельдә, баш табибның сырхауханә эше буенча урынбасары Лилия Кириловская баш табиб Резеда Ришатовна Мавзютова исеменнән җиңүчеләргә бүләкләр тапшырды. Акыллы сәгать иясе Геннадий Филенков булды, акыллы колонканы Рәсимә Галимова, блендерны Гүзәлия Гришанина алды.
Геннадий Филенков поликлиниканың беркетелгән пациенты булып тора, сәламәтлегеннән зарланмый һәм сәламәт яшәү рәвеше алып бара. Диспансеризациягә аны телефон аша чакырганнар.
Рәсимә Галимова сәнәгать диспансеризациясе кысаларында профилактик карау узды.
Гүзәлия Гришанина поликлиникага даими йөри һәм медицина хезмәтеннән бик канәгать, бер кабул итүдә участок шәфкать туташы аңа диспансеризация узарга тәкъдим иткән.
Елның беренче өч аенда госпиталь поликлиникасында 4215 кеше диспансерлаштыру һәм профилактик тикшерү узды.