Татарстанда 4 мең тонометрның эшләвен бушлай тикшерделәр
Бөтендөнья сәламәтлек көненә багышланган "Ышанычлы бул ! Сәламәт бул!" Бөтенроссия социаль акциясе нигезендә Росстандартның ведомство учреждениеләре белгечләре 4 апрельдән 7 апрельгә кадәр ил халкының көнкүреш тонометрларының эшләвен бушлай тикшерде.
Акция Россиянең якынча 150 торак пунктын колачлады, аларда рекордлы санда приборлар - 43 мең тонометр тикшерелде.
Исегезгә төшерәбез, чараның төп максаты – илебез гражданнарының игътибарын һәркемнең тормышында үлчәүләр бердәмлегенең әһәмиятенә аеруча мөһим мисалда җәлеп итү: кан басымы кеше сәламәтлеге торышының төп күрсәткечләренең берсе булып тора, ә тонометр күрсәткечләренең төгәллегенә, үз чиратында, йөрәк-кан тамырлары системасы торышының реаль хәләтенә бәйле.
«Акциядә катнашкан гражданнарның 70% ка якыны быел тонометрларны тикшерүне сорап беренче тапкыр мөрәҗәгать итте, бу чираттагы тапкыр акциянең социаль һәм агарту әһәмиятен, шулай ук яңа гражданнарның үз җиһазлары эше турында төгәл мәгълүмат алуда кызыксынуларын күрсәтә», - дип ассызыклады Росстандарт җитәкчесе Антон Шалаев.
Татарстан Республикасында быел кан басымын контрольдә тоту приборлары биш шәһәрдә: Казанда, Чаллыда, Түбән Камада, Әлмәттә һәм Чистайда тикшерелде.