Наркодиспансерда «Большие Ключи» тернәкләндерү үзәге ачылышының 19 еллыгын билгеләп үттеләр
Озак вакытлы медик-социаль тернәкләндерү бүлеге – «Большие Ключи» тернәкләндерү үзәге ачылуга 19 ел тулуны билгеләп үтте. Юбилей уңаеннан чакырылган кунаклар катнашында бәйрәм чарасы узды. Коллективны котларга бәйлелектән дәвалануны уңышлы тәмамлаган пациентлар килгән.
«Большие Ключи » тернәкләндерү үзәге илдә наркологик авыруларга берничә ай дәвамында стационар реабилитация күрсәтүче беренче профильле бүлекләрнең берсе булды. Бүгенге көндә бүлектә 30дан артык хезмәткәр эшли: табиблар, шәфкать туташлары, клиник психологлар, санитаркалар һәм социаль хезмәткәрләр.
"Безнең диспансер комплекслы наркологик ярдәм күрсәтә –профилактикадан, авыруларны дәвалау һәм тернәкләндерүдән алып социаль адаптациягә кадәр. Бу система төгәл җайга салынган механизм буларак эшли һәм шуның күрә бик нәтиҗәле булып тора", - дип сөйләде РКНД баш табибының тернәкләндерү буенча урынбасары Илдар Таҗетдинов.
Үз тормышында бәйлелек белән очрашкан һәр кеше дәвалану курсын узгач, нормаль тормышка яңадан яраклашырга мәҗбүр була. «Большие Ключи» тернәкләндерү бүлегендә психотерапиянең төп методы булып «милие-терапия» – тирәлек ярдәмендә терапия тора.
« Большие Ключи » тернәкләндерү үзәге Идел-Кама тыюлыгы янында урнашкан, Чиста күлләр һәм матур ландшафт белән әйләндереп алынган, бу үзәктәге пациентларга кирәксез нәрсәләрдән игътибарларын читкә юнәлтергә һәм игътибарларын үз сәламәтлекләренә юнәлтергә мөмкинлек бирә.