Республика кан үзәгендә донор көне
17 апрельдә Казанның Республика кан үзәгендә Илкүләм донор көне алдыннан акция булып узды.
Иртәнге чара Россия Федерациясендә кан һәм (яисә) аның компонентларының ирекле һәм түләүсез донорлыгын үстерүгә керткән игелекле өлешләре өчен Россиянең Мактаулы донорларын хөрмәтләүдән һәм бүләкләүдән башланды.
Кан үзәгенең баш табибы Р.Г. Тураев һәм сәламәтлек саклау министры урынбасары И.Р. Фатыйхов лаеклы бүләкләр тапшырды һәм донорларны ныклы сәламәтлек теләп котлады, чөнки алар файдасына тырышкан пациентларның сәламәтлеге аларның сәламәтлегенә бәйле.
1 нче кат холлында бәйрәм концерты булды, ул донорларның чиратларын көткәндә кәефләрен күтәрде. Донорлар буш кул белән китмәде, барысын да донациядән соң сувенирлар көтте.
Акциядә «Унистрой» компаниясе донорлары, Россия машина төзүчеләр берлеге вәкилләре, республикабызның беренчел һәм даими донорлары катнашты.
Акциядә барлыгы 200дән артык донор катнашкан һәм кан банкы 84 литрга тулыланган.
Акция көнендә волонтер-медиклар, кан үзәге хезмәткәрләре һәм «DonorSearch» коммерциячел булмаган оешма вәкилләре #Цветнастроениякрасный онлайн-марафонында катнаштылар, шуның белән донор хәрәкәтенә ярдәм иттеләр, чөнки донор булу – организм өчен дә, гомумән җәмгыять өчен дә файдалы социаль әһәмиятле эш.
Без барлык донорларны һәм Кан хезмәте хезмәткәрләрен якынлашып килүче Илкүләм донор көне белән котлыйбыз! (Календарьда 20 апрель.)
Кемнеңдер гомерен саклап калу өчен бирелгән һәр тамчы кан сезгә бәхет ташкыны булып, шатлык, сәламәтлек һәм күңел күтәренкелеге белән кайтуын телибез. Ярдәмегезне кызганмавыгыз өчен рәхмәт белдерәбез. Бар яхшы теләкләр сезгә!