Йөрәгеңне яшьтән сакла: Лубянск хастаханәсендә табиб инсультны профилактикалау турында сөйләде

2025 елның 21 апреле, дүшәмбе

Лубянск участок хастаханәсендә табиб Сираҗетдинова Римма Гаптулла кызы инсультны кисәтүгә багышланган мөһим әңгәмә үткәрде.

Табиб бу куркыныч авыруга нинди факторлар китерүен, инсультның беренче билгеләрен ничек танырга һәм алар барлыкка килгән очракта нишләргә икәнен аңлатты.

Римма Гаптулла кызы сәламәт яшәү рәвеше, дөрес туклану һәм даими физик күнегүләр ясау турында кыйммәтле киңәшләр бирде, алар инсульт үсеше куркынычын киметергә һәм озак еллар сәламәтлекне саклап калырга ярдәм итәчәк.