«Тормыш уты» факелы эстафетасы донорлар катнашында узды
5 майда Яр Чаллыда Россиянең барлык төбәкләрен берләштергән «Тормыш уты» факелы Бөтенроссия эстафетасының бер этабы булып узды.
Эстафетаны Россия ФМБА «Импакт» хәйрия фонды һәм «Тормыш уты» социаль инициативаларга ярдәм фонды, «ТР ССМ Республика кан үзәге» ДАССУ белән берлектә башлап җибәрде һәм оештырды.
Чараны Чаллы шәһәре муниципаль берәмлеге Башкарма комитетының Физик культура һәм спорт идарәсе башлыгы Ренат Әхмәтшин, Россиядә сөяк мие донорлыгы амбассадоры Артем Алискеров, Россия Кызыл Хачының Татарстан төбәк бүлеге рәисе урынбасары Андрей Анисимов сәламләү сүзләре белән ачып җибәрделәр. Чара башында һәм ахырында коллективлар иҗади номерлар белән чыгыш ясады. Барыннан да бигрәк балалар факелны тапшыру ноктасында йөрәкне тибрәтте – бигрәк тә катнашучылар Мәңгелек утка чәчәкләр салганнан соң.
