Түбән Кама район үзәк күп профильле хастаханәсендә Мисырдан яңа белгеч
Түбән Кама район үзәк күп профильле хастаханәсендә пациентларның инде бик яраткан яңа табибы — Абдельрахман Магди Хассан Абдельмаксуд Нассар, яки, монда аны ягымлы итеп әйткәнчә, доктор Нассар эшли башлады.
Елмаючан, игътибарлы һәм искиткеч эмпатик, ул безгә ерак Мисырдан дәвалау, илһамландыру һәм, ниһаять, үз хыялын тормышка ашыру өчен килгән.
"Синең врач булачагыңны һәрвакыт белә идек"
Тумышы белән Банха шәһәреннән (бу Каирдан 48 км ераклыкта гына), Нассар - гаиләдә бердәнбер медик. Шунысы кызык, аның язмышын башлангыч мәктәптә үк алдан әйткәннәр: укытучылары һәм туганнары аны, үзе рәссам булырга хыялланса да, балачактан ук «доктор Нассар» дип йөрткәннәр.
Ләкин тормыш башкача хәл иткән. Мәктәптән соң әти-әниләр фармацевтика ягында торган, Нассар хәтта Мисырдагы фармацевтика институтына укырга кергән, ләкин ел ярымнан укуын ташлаган, ошамаган. Аннары Нассар Россиягә китәргә һәм сәнгать институтына укырга керергә карар кыла. Чын полиглот, ул сайланган югары уку йортына кереп кенә калмады, ә өч ай эчендә рус телен дә өйрәнде. Сүз уңаеннан, Нассар рус телендә генә түгел, ул немец, инглиз һәм испан телләрен дә белә. Аларны мөстәкыйль рәвештә өйрәнгән. Ләкин сәнгать институтында да ул аңлаган - бу аның билгеләнеше түгел.
Һәм шул вакытта Нассар үзе сайлый – медицинага китә.
Хәзер Нассар кабул итү-диагностика бүлегендә эшли, 1 нче терапия бүлегендә кизү тора, ә киләчәктә нейрохирург булырга хыяллана.
- Минем операция ясыйсым килә, – ди ул. – Бу минем яңа хыялым.
Россиядәге тормыш аңа ошый. Түбән Камада яшь белгечкә хезмәт торагы биргәннәр. Озакламый ул бирегә яраткан хатыны Аннаны алып киләчәк (ул булачак художник — шулай да балачак хыялы тормышка ашкан!).
Хастаханәдә нибары ике ай, ә ул инде пациентларның ышанычын һәм хезмәттәшләренең хөрмәтен яулады. Һәм бу әле башы гына!