KazanForumда – Татарстанның әйдәп баручы клиникалары
Татарстан Республикасы чит ил гражданнарына медицина хезмәтләре күрсәтү өчен барлык өстенлекләргә ия, бу регионның тарих һәм мәдәнияте белән хозурлану гына түгел, ә замананың уңайлы шартларда югары сыйфатлы медицина ярдәме алу статусын да раслый. Республиканың өстенлеге – «Хәләл» стандартларына ярашлы медицина ярдәме күрсәтү.
«Татарстан Республикасы Сәламәтлек саклау министрлыгының Балалар Республика клиник хастаханәсе» ДАССУ - үзәкләштерелгән дини оешма – Татарстан Республикасы Мөселманнар диния нәзарәтенең «Хәләл стандарты комитеты» продукция сыйфатын контрольдә тоту хосусый учреждениесенең юридик зат эшчәнлеген контрольгә кую турында таныклыгы булган республикадагы бердәнбер учреждение. Иң ихтыяҗлы хезмәт «Сөннәткә утырту» булып тора. Хезмәт ислам нормаларын һәм «Ислам кануннары нигезендә медицина хезмәтләре күрсәтү буенча гомуми таләпләрне» үтәп күрсәтелә.
«Хәләл» туклану «Әлмәт районара күппрофильле хастаханәсе» ДАССУда, «ТР ССМ Республика балалар клиник хастаханәсе» ДАССУда һәм «ТР ССМ Республика клиник хастаханәсе» ДАССУда оештырылган.
Мәсәлән, «Әлмәт районара күп профильле хастаханәсе» ДАССУ хастаханәсе пациентлары «таблет-туклану» системасы буенча тукланалар. Пациентларны дәвалау туклануы тышкы аутсорсинг килешүе нигезендә оештырылган. Туклануны тәэмин итүче оешманың юридик зат эшчәнлеген Татарстан Республикасы Мөселманнары диния нәзарәтенең "Хәләл стандарты комитеты " контроленә кую турында таныклыгы бар, алар җитештерелә һәм сатыла торган азык-төлек продукциясен әзерләү процессының һәм ассортиментының хәләл (Halal) системасы таләпләренә туры килүен раслый.
Барлык эре клиникаларда гыйбадәт кылу бүлмәләре бар. Республика балалар клиник хастаханәсе территориясендә узган ел мәчет һәм православие храмын үз эченә керткән «Тыныч бакча» рухи комплексы ачылды.
