Ингушетиядән делегация Республика балалар клиник хастаханәсендә
Республика балалар клиник хастаханәсенә эш визиты белән Ингушетия делегациясе килде. Визитның максаты – республикада сабыйлар үлемен киметү мәсьәләсендә республика балалар клиникасының алдынгы эш тәҗрибәсен өйрәнү, шулай ук клиниканың куәтләре һәм хастаханәнең барлык бүлекләренең уртак эшен җайга салу белән танышу.
Республика балалар клиник хастаханәсе баш табибы урынбасарлары кунакларга хастаханәнең структур бүлекчәләре һәм хезмәтләре арасындагы үзара бәйләнешне системалаштыру турында сөйләделәр, клиниканың төп күрсәткечләре булган презентацион материаллар һәм фильм күрсәттеләр, кабул итү-диагностика, яңа туган балаларны реанимацияләү, комплекслы реанимация үзәге һәм башка бик күп бүлекләрнең эше белән таныштырдылар.
Делегация клиниканың эшен оештыруны һәм белгечләрнең профессиональлеген, шулай ук хастаханәнең алдынгы технологияләр һәм җиһазлар белән заманча җиһазлануын югары бәяләде. Кунаклар клиникалар арасында алга таба да хезмәттәшлек итәргә һәм тәҗрибә уртаклашырга теләк белдерделәр.
Мондый эш визитлары балалар халкына күрсәтелә торган медицина ярдәмен клиникалар арасында үзара хезмәттәшлек һәм практик күнекмәләр, белем һәм тәҗрибә алу исәбенә камилләштерергә мөмкинлек бирә.
