Лениногорск район үзәк хастаханәсе хезмәткәрләре TIMMERMAN 2025 трейлерында катнаштылар

2025 елның 30 июне, дүшәмбе

Лениногорскида TIMMERMAN 2025 трейлы узды. Россиянең төрле төбәкләреннән 600 гә якын йөгерүче стартка чыкты.

Дистанцияләр тау җирләре һәм урман массивы буйлап үтте – катнашучыларны текә күтәрелешләр, төшүләр, кисешкән урыннар һәм чыдамлык сынаулары көтте.

Оештыручылар төрле яшьтәге балалар өчен — 300 метрлы дистанция, өлкәннәр өчен – 3, 10 һәм 20 километрлы маршрутлар әзерләгән.

Катнашучылар арасында - Лениногорск  район үзәк хастаханәсе хезмәткәрләре. Баш табиб Равил Шаһиев, УЗИ кабинеты мөдире Денис Тимерханов һәм баш хисапчы Наталья Аршинова хәрәкәтнең тормыш икәнлеген үз үрнәкләре белән күрсәтергә булдылар. Наталья 3 километрлы дистанцияне узды, ә безнең ир- атлар җитдирәк дистанцияне - 10 километрны сайладылар.