Алабуга район үзәк хастаханәсендә гадәттән тыш хәлләр буенча укыту семинары узды

2025 елның 2 июле, чәршәмбе

Алабуга  район үзәк хастаханәсе табиблары һәм медперсоналы гадәттән тыш хәлләргә әзерлекләрен арттырдылар.

Баш табиб Мансур Потеев җитәкчелегендә кабул итү, травматология, хирургия бүлекләре, реанимация һәм травмпункт белгечләре кризис шартларында эш итү алгоритмнарын үттеләр.  
Республика катастрофалар медицинасы үзәге экспертлары Марина Воронцова һәм Лилия Чалая укыту сессиясе үткәрделәр, шулай ук кыйммәтле тәҗрибәләре белән уртаклаштылар. Бу катнашучыларга ашыгыч ярдәм күрсәтү күнекмәләрен камилләштерергә мөмкинлек бирә.  
Мондый тренинглар һөнәри әзерлекне ныгыта һәм кискен ситуацияләрдә гомерләрне коткарырга ярдәм итә.