Бал кортлары һәм төклетуралар чакканда беренче ярдәм: Алабугада медик-студентлар белемнәре белән уртаклаша
КДМУның 3 нче курс студентлары Хөснетдинова А.Д. һәм Кочнева С. К. Алабуга район үзәк хастаханәсендә чага торган бөҗәкләр тешләгәндә беренче ярдәм күрсәтүгә багышланган санитар-агарту эшләре үткәрделәр.
Студентлар җитди катлаулануларны булдырмас өчен, тешләгәннән соң беренче минутларда нәрсә эшләргә кирәклеген белүнең мөһимлеге турында сөйләделәр.
Студентлар тешләгәннән соң барлыкка килергә мөмкин булган аллергик реакцияләр темасына аерым игътибар бирделәр. Кызлар шешү, кычыту, авыр сулау һәм баш әйләнү кебек аллергия билгеләрен ничек танырга һәм алар килеп чыкса нишләргә: кичекмәстән ашыгыч ярдәм чакырырга икәнен җентекләп аңлаттылар.
Студентлар шулай ук бал кортлары һәм төклетуралар чагуны кисәтү чаралары турында сөйләделәр: кул селтәмәскә, умарта ояларына якын килмәскә, табигатьтә көчле исле парфюмерия кулланмаска һәм ачык төстәге кием кияргә. Исегездә тотыгыз: белем – көч ул!
