Әлмәт кардиохирурглары бер үк вакытта йөрәккә биш мөһим операция ясаганнар
Әлмәт районара күп профильле хастаханәсенең кардиохирургия бүлегенә шушы көннәрдә физик йөкләнеш, тигез җирдән дә йөрү, 2нче катка менү вакытында тын кысылуга зарланып чираттагы пациент килде. Күнегелгән йөкләнеш соңгы айларда уңайсызлыклар тудыра башлаган, көч-хәл белән кичерелгән булган.
Тикшерү барышында пациентның арткы капкач хордасы өзелү аркасында митраль клапанның авыр җитешсезлеге ачыкланган. Авыруның сүзләренә караганда, митраль клапан хордалары өзелеп, ул 7 елдан артык яшәгән. Бу еллар эчендә хәле коронар артерияләрнең атеросклеротик бляшкалар белән зарарлануы, үпкә гипертензиясе клиникасы, шулай ук йөрәкнең зураюы нәтиҗәсендә йөрәк җитешсезлеге артуы сәбәпле начарланды.
Хирургик дәвалауның яшәү зарурлыгы булуы – ясалма кан әйләнеше шартларында йөрәккә бер үк вакытта биш яраштырылган тыкшынуны үткәрү турында коллегиаль карар кабул ителде.
Әлмәт кардиохирурглары практикасында мондый тыкшыну – беренчесе түгел. Операция 6 сәгать дәвам итә. Хәзер пациент үзен канәгатьләнерлек хис итә һәм «Әлмәт районара күп профильле хастаханәсе» ДАССУның медицина тернәкләндерү үзәгендә сәламәтлеген торгызуын дәвам итә.