Республика клиник йогышлы авырулар хастаханәсе табиблары энтеровирус инфекциясен профилактикалау турында сөйләде
Энтеровирус инфекциясе - энтеровируслар кузгатучы кискен йогышлы авырулар төркеме. Алар төрле клиник формалар белән характерлана, эчәкнең җиңел күренешләреннән алып авыр неврологик катлаулануларга кадәр. Бигрәк тә мәктәпкәчә һәм мәктәп яшендәге балалар, шулай ук иммунитеты начарланган өлкәннәр куркыныч астында тора.
Энтеровирус инфекциясе симптомнары:
• Тән температурасы югары;
• Баш авырту, күңел болгану, косу;
• Тамак авыртуы, борында томау;
• Эч китү, эч авырту;
* Кайчакта тиредә һәм лайлалы тышчаларда бетчәләр.
Үзеңне һәм якыннарыңны ничек сакларга кирәклеге турында А.Ф. Агафонов исемендәге Республика клиник йогышлы авырулар хастаханәсе белгечләре сөйләде. Беренче чиратта, шәхси гигиенаны саклау мөһим: кулларны даими рәвештә сабын белән юарга, бигрәк тә бәдрәфкә барганнан соң һәм ашар алдыннан.