Табибларның «Спутник» балаларны савыктыру лагерына баруы
Яшь буынга социаль әһәмиятле авыруларны, тәмәке тартуны, алкоголизмны, наркоманияне профилактикалау мәсьәләләрендә мәгълүмат җиткерүне арттыру максатында Республика җәмәгать сәламәтлеге һәм медицина профилактикасы үзәге белгечләре «Спутник» балаларны савыктыру үзәгендә булдылар.
«Республика җәмәгать сәламәтлеге һәм медицина профилактикасы үзәге» ДАССУның гигиена тәрбиясе бүлеге мөдире Гүзәл Галимуллина үз чыгышында балалар һәм яшүсмерләр арасында мондый профилактик чараларның мөһимлеген билгеләп үтте, алар балаларның сәламәтлеген саклау һәм ныгыту, төрле авыруларны профилактикалау мәсьәләләрендә хәбәрдарлыкны арттыруга, шулай ук аларны сәламәт яшәү рәвеше алып баруга этәрүгә юнәлдерелгән.
«Республика клиник наркология диспансеры» ДАССУ карамагындагы «Гомуми эш» төбәк ресурс үзәге белгече Наргизә Шодмонова зарарлы гадәтләрне профилактикалау турында интерактив лекция үткәрде. Балалар вейпларның, кальяннарның, тәмәкеләрнең ни белән куркыныч булуын белделәр. Шулай ук үзләре өчен тәмәке тартучы кешенең җәлеп итмәвен генә түгел, ә киресенчә, дошманлык һәм хәтта кызгану уята икәнен үзләштерделәр. Чара кысаларында «Тәмәке тарту. Эчтән караш» фильмы күрсәтелде.