Яр Чаллы шәһәренең сугыш ветераннары өчен госпиталендә 3000 махсус хәрби операция ветеранына ярдәм күрсәтелгән

2025 елның 25 июле, җомга

Яр Чаллы шәһәренең сугыш ветераннары өчен госпитале, махсус хәрби операциянең 3000 нче катнашучысына комплекслы медицина һәм тернәкләндерү ярдәме күрсәтеп, мөһим санга иреште.

Учреждение махсус хәрби операция катнашучыларына 2022 елның ноябреннән ярдәм күрсәтә һәм Чаллы шәһәрендә яшәүчеләр өчен генә түгел, ә Татарстан Республикасының Кама аръягы төбәгендәге барлык 21 район сугышчылары өчен дә төп ярдәм үзәге булып тора. Госпиталь бер учреждение кысаларында тулы комплекс медицина ярдәме күрсәтә. Биредә сугышчыларга терапевт һәм тар белгечләр кабул итү, диагностик тикшерүләрнең киң спектры, шулай ук көндезге һәм тәүлек буе эшли торган стационарда тулы тернәкләндерү, амбулатор тернәкләндерү бүлеге дә хезмәт күрсәтә.