Республика медицина китапханә-мәгълүмат үзәгендә хатын-кызлар сәламәтлеге турында әңгәмә булды
Кичә Татарстанның Республика медицина китапханә-мәгълүмат үзәгендә Халыкара хатын-кызлар сәламәтлеге көненә багышланган чара узды.
Анда 1 нче һәм 2 нче уку еллары табиб-гинеколог-ординаторлары катнашты.
Җыелучылар алдында учреждение директоры Татьяна Львовна Куликовская чыгыш ясады, ул ТР сәламәтлек саклау белгечләрен мәгълүмати тәэмин итүнең үсеш этаплары турында сөйләде.
Очрашуга проф.В. С. Груздева ис. акушерлык һәм гинекология кафедрасы профессоры Илдар Фәрит улы Фаткуллин чакырылган иде, ул медицина фәннәре докторы, Идел буе федераль округының акушерлык һәм гинекология буенча штаттан тыш баш белгече, ТР атказанган табибы.
И.Ф. Фаткуллин «КДМУда акушерлык һәм гинекология үсеше тарихы» дигән лекция белән чыгыш ясады.
Китапханәнең уку залында «Акушерлык һәм гинекология тарихы битләре» күргәзмәсе оештырылган, анда акушерлыкка, гинекология авыруларын тасвирлауга һәм дәвалауга багышланган китаплар, фәнни хезмәтләр тәкъдим ителә.
Алар арасында совет басмаларын да, революциягә кадәрге басмаларны да күрергә була.
